Nah 3 | Ndebele | STEP | Maye kumuzi wezingazi , wonke ugcwele amanga le mpango! Okuphangiweyo kakusuki .

Nahum 3

Ukuchithwa kweNineve

1 Maye kumuzi wezingazi ^a, wonke ugcwele amanga lempango! Okuphangiweyo kakusuki ^b. 2 Umsindo wesiswepu, lomsindo wokugedlezela kwamavili ^c, lowamabhiza amathayo ^d, lowezinqola ezeqayo ^e. 3 Umgadi webhiza uphakamisa kokubili inkemba ephazimayo lomkhonto ocwazimulayo ^f, njalo kulexuku lababuleweyo, lenani elikhulu lezidumbu; yebo kakulasiphelo sezidumbu; bayakhubeka phezu kwezidumbu zabo ^g. 4 Ngenxa yobunengi bokufeba kwesiphingi ^h, inkosazana ^{i
,} ^j ekhangayo yobuthakathi ^k, esithengisa izizwe ngokuphinga kwaso ^l, lemideni ngobuthakathi baso ^m.

5 Khangela, ngimelene lawe, itsho iNkosi yamabandla ⁿ; ngizakwembulela amalogwe akho phezu kobuso bakho ^o, ngitshengise izizwe ubunqunu bakho ^{p
,} ^q, lemibuso ihlazo lakho ^{r
,} ^s. 6 Ngiphosele amanyala phezu kwakho ^t, ngikwenze udeleleke ^u, ngikumise njengento yokubukelwa ^v. 7 Kuzakuthi-ke wonke okubonayo ^w akubalekele ^x, athi: INineve ichithekile ^y. Ngubani ozayililela ^z? Ngizakudingela ngaphi abaduduzi ^aa?

8 Ungcono yini ^ab kuleNo-Amoni ^ac eyayihlezi phakathi kwemifula ^ad, elamanzi inhlangothi zonke, omthangala wawo ^ae wawululwandle ^af, umduli wawo wawusukela elwandle ^ag? 9 IEthiyophiya ^{ah
,} ^ai leGibhithe kwakungamandla ayo ^aj angelakuphela ^ak; iPuti ^al leLubhimi ^{am
,} ^an babengabasizi bakho. 10 Kanti yona yathuthwa yaya ekuthunjweni ^ao; lezingane zayo zachotshozwa ^ap esihlokweni sazo zonke izitalada ^aq; njalo benza inkatho yokuphosa ^ar ngabahloniphekayo bayo ^as, labo bonke abakhulu bayo babotshwa ngamaketane ^at. 11 Lawe-ke uzadakwa, uzacatsha ^au; futhi wena uzadinga isiphephelo ngenxa yesitha ^av. 12 Inqaba zakho zonke zizakuba njengezihlahla ^aw zemikhiwa ezilezithelo zokuqala ^ax; uba zinyikinywa, ziwela emlonyeni wodlayo. 13 Khangela, abantu bakho bangabesifazana ^{ay
,} ^az phakathi kwakho; amasango elizwe lakho azavulekela kakhulu izitha zakho; umlilo uzaqeda imigoqo yakho ^ba.

14 Zikhelele amanzi okuvinjezelwa ^bb, uqinise izinqaba zakho ^bc; ngena odakeni, uxove ibumba ^bd, uqinise ihondo yezitina. 15 Lapho umlilo uzakuqeda, inkemba ikuqume, ikudle njengesikhonyane ^be, uzandise njengesikhonyane ^bf, uzandise njengezintethe ^bg. 16 Wandise abathengisi bakho ngaphezu kwenkanyezi zamazulu ^bh; iqhwagi ^bi liyona, liphaphe lihambe. 17 Abetheswe umqhele bakho ^bj banjengezintethe ^bk, labalawulimabutho bakho ^bl banjengentethe ezinengi ^bm, ezimisa inkamba ezintangweni ngosuku lomqando; ilanga seliphumile, ziyasuka zibaleke, ingabe isaziwa indawo yazo ukuthi zingaphi.

18 Abelusi bakho bayawozela ^bn, wena nkosi yeAsiriya ^bo; abakhulu bakho ^bp bazahlala ^bq; abantu bakho bazahlakazeka ezintabeni ^br, njalo kungekho obabuthayo ^bs. 19 Kakukho ukupholiswa kokwephuka kwakho ^bt, inxeba lakho libuhlungu ^bu; bonke abezwa umbiko ngawe ^bv baqakeza izandla ngawe ^bw; ngoba kukubani obungadlulanga kuye ububi bakho njalonjalo ^bx?